Doston Hamdamov: "Finalda jamoam uchun foydali bo'lishga intilaman"

"Paxtakor" safida oxirgi 5 uchrashuvda raqiblar darvozasini ketma-ket ishg'ol qilgan Doston Hamdamov final arafasida fikrlari bilan bo'lishdi.

- O'yinga juda yaxshi tayyorgarlik ko'ryapmiz va finalning tezroq boshlanishini kutmoqdamiz. Xudo xohlasa, uning samarasini 26 oktyabr kuni barcha ko'radi.

AGMK kuchli raqiblardan biri. Ular ham finalda bor kuchini berib harakat qilishiga shubha yo'q. AGMK o'tgan yili kubokni qo'lga kiritgan, raqibni hurmat qilgan holda maydonga tushamiz.

Faoliyatimda birinchi marta chempionga aylandim. Endi esa nasib qilsa, ilk bor O'zbekiston Kubogiga ega chiqishni xohlayman.

Har o'yindan oldin o'zim uchun maqsad qilaman, gol urish kerak yoki golli uzatma berish orqali jamoaga yordam berish. Finalda ham jamoamga qo'limdan kelgancha foydali bo'lishga intilaman.