Levandovski EChL to'purarlari orasida 5-o'ringa ko'tarildi

"Bavariya" hujumchisi Robert Levandovski Evropa chempionlar ligasi tarixida to'purarlar orasida 5-o'ringa ko'tarildi. Polshalik futbolchi guruh bosqichining 3-turi doirasida "Olimpiakos"ga qarshi bo'lib o'tgan o'yinda (3:2) 2ta gol urishga muvaffaq bo'ldi. Uning EChLdagi jami gollari soni 58taga etdi.

Bu orqali u Ruud van Nistelroyni (56ta gol) quvib o'tishga muvaffaq bo'ldi. Faqat 4 nafar futbolchi Levandovskiga nisbatan ko'proq gol urgan: Krishtianu Ronaldu (127), Lionel Messi (112), Raul (71) va Karim Benzema (60).