Ibragimovich: «Menga hamma qo'ng'iroq qilmoqda!»

Hujumchi Zlatan Ibragimovich unga kelib tushayotgan takliflar haqida fikr bildirdi.

Avvalroq hujumchi Karlo Anchelotti qo'l ostida o'ynash istagini bildirgan edi va murabbiy bunga xazil tariqasida Ibragimovichni chaqirib, bu masalani muhokama qilishini aytib o'tgan edi.

- Hamma menga qo'ng'iroq qilmoqda! Senga ham mening raqamim kerakmi? Menga qo'ng'iroq qilishing uchun? Yaxshi, biz buni tashkillashtiramiz, - dedi Zlatan Eurosport jurnalistiga.

Shundan so'ng, muxbir futbolchidan MLSda yana bir mavsum qolishini so'radi.

"Rahmat, men buni qadrlayman", deb javob berdi hujumchi.

Ma'lumot uchun 38 yoshli Ibragimovichning "Los-Anjeles Gelaksi" bilan shartnomasi dekabrda nihoyasiga etadi.