O'zbekiston terma jamoasi asosiy e'tiborni darvozaga zarba yo'llashga qaratmoqda (foto)

O'zbekiston milliy terma jamoasi Dubay shahrida Osiyo Kubogiga tayyorgarlikni davom ettirmoqda. Bugun Ektor Kuper boshchiligidagi futbolchilar ikkinchi mashg'ulotni o'tkazishdi.

BAA futbol federatsiyasiga qarashli maydonda o'tgan mashg'ulotlar odatdagidek engil mashqlar bilan boshlandi. Keyin to'p bilan ishlandi. Bugun asosiy e'tibor darvozaga zarba yo'llashga qaratildi.

Tarkibdagi barcha futbolchilar bir necha martadan darvozalarga zarbalar yo'lladi. Terma jamoa darvozabonlari galma-galdan darvozaga turib, bu zarbalarni qaytarishga urindilar. Darvozabonlar murabbiyi Denis Ivankov ularni nazorat qildi.

Bugungi mashg'ulotlar yuqori kayfiyatda yakuniga etdi. Tarkibdagi barcha futbolchilar yaxshi jismoniy holatda bo'lib turibdi.

Eslatib o'tamiz, O'zbekiston milliy terma jamoasi Osiyo Kubogidagi ilk uchrashuvni 9 yanvar kuni Ummon terma jamoasiga qarshi o'tkazadi. O'yin Toshkent vaqti bilan soat 18:30da boshlanadi.