«Sassuolo» - «Inter» o'yini paytida parashyutchi stadionga qo'ndi (video)

Italiya chempionatining 8-turidan o'rin olgan «Sassuolo»  - «Inter» o'yini paytida kutilmagan voqea yuz berdi.

Uchrashuvning 43-daqiqasida parashyutchi havodan uchib kelib, «Mapey – Chitta del Trikolore» stadioni maydoniga qo'ndi. Tomoshabinlar uni olqishlar bilan kutib olishdi. Stadion xodimlari darhol uning o'zini va parashyutini maydondan olib chiqib ketishdi. Shundan so'ng o'yin davom ettirildi.

Ushbu o'yinda «Inter» «Sassuolo» ustidan 4:3 hisobida zafar quchdi.