2021 yilgi klublar o'rtasidagi JCh Xitoyda o'tkazilishi mumkin

2021 yilgi klublar o'rtasidagi jahon chempionati Xitoyda o'tkazilishi mumkin. Bu mamlakat mazkur musobaqani o'tkazish uchun yagona nomzod bo'lib turibdi. Bu haqda Associated Press xabar tarqatdi.

Ushbu masala payshanba kuni bo'lib o'tadigan FIFAning Shanxaydagi yig'ilishida ko'rib chiqiladi.

2021 yildan boshlab klublar o'rtasida JCh har 4 yilda bir marta o'tkaziladi. Unda 24ta jamoa ishtirok etishi kutilmoqda.

2019 va 2020 yillarda esa klublar o'rtasidagi jahon chempionatiga Qatar mezbonlik qiladi va u 7ta jamoa ishtirokidagi formatda o'tkaziladi.