Ronaldu Montella, Ronaldo, Milito va Shevchenkoning tempidan ortda qolmoqda

«Yuventus» hujumchisi Krishtianu Ronaldu A seriyaning 8-turidan o'rin olgan «Bolonya»ga qarshi bahsda (2:1) bitta gol urishga muvaffaq bo'ldi.

Portugaliyalik futbolchi uchun bu Italiya chempionatidagi 25 gol bo'ldi. Bunday natijaga erishish uchun Krishtianuga 38ta o'yin kerak bo'ldi.

So'nggi 25 yilni inobatga oladigan bo'lsak, faqat 4 nafar futbolchi 25ta golli marrani Ronalduga nisbatan tezroq zabt etgan.

25ta gol urish uchun Vinchentso Montellaga 31ta o'yin, Ronaldoga 32ta o'yin, Diego Milito va Andrey Shevchenkoga esa 33ta o'yin kerak bo'lgan.