Foto. Nesterov uzoq tanaffusdan so'ng maydonga tushdi

O'zbekiston Superligasi 22-turidan o'rin olgan “Lokomotiv” hamda “Buxoro” o'yini yakunlandi.

Bugungi bahsda “temiryo'lchilar” darvozasini Ignatiy Nesterov qo'riqladi. Nesterov uzoq muddatli diskvalifikatsiyadan so'ng yana maydonga qaytdi va o'z darvozasi dahlsizligini saqlab qoldi.

Eslatib o'tamiz, Nesterov mavsum avvalida Saudiya Arabistonining "Ohod" klubiga o'tib ketgan, ammo ko'p vaqt o'tmay doping iste'mol qilganligi sababli 12 oktyabrga qadar maydonga tushishi ta'qiqlangan edi.