Kamonchilarimiz uchun Chimkent turniri so'nggi sinov bo'lmoqda

Roppa-rosa 1 oydan so'ng Tailand poytaxtida kamondan otish bo'yicha Tokio Olimpiadasiga to'g'ridan to'g'ri yo'llanma beruvchi Osiyo chempionati start oladi. Terma jamoamiz vakillari mazkur musobaqa tayyorlanish doirasida uzoq muddatli o'quv-mashg'ulot yig'inini olib borishdi. Ayni kunlarda Qozog'istonning Chimkent shahrida o'tkazilayotgan xalqaro musobaqa vakillarimiz uchun Osiyo chempionati oldidan o'ziga xos tayyorgarlik vazifasini o'tab bermoqda.

Yigitlarimmz mazkur musobaqaning jamoaviy bahslarida birinchi o'rinni egallashdi, qizlarimizga esa ikkinchi o'rin nasib etdi. Yakkalik bahslarda ayollar o'rtasida Anastasiya Soldatenko uchinchi o'rinni qo'lga kiritdi.