UEFA musobaqalarida Rossiya va Kosovo jamoalari o'zaro to'qnash kelmaydi

UEFA tasarrufidagi barcha musobaqalarda Rossiya va Kosovo jamoalari o'zaro to'qnash kelishiga yo'l qo'yilmaydi. Chorshanba kuni bo'lib o'tgan UEFAning favqulotda guruhi yig'ilishida shunday qarorga kelindi.

Rossiya va Kosovo ayollar terma jamoalari o'rtasidagi Evro-2021 saralash bosqichi doirasida o'yinlar neytral maydonda o'tkaziladi. Bu jamoalar o'rtasidagi dastlabki uchrashuv Prishtin shahrida bo'lishi kerak edi. Ammo xavfsizlik nuqtai nazarida bu o'yin keyinroqqa qoldirildi. Javob o'yini esa 2020 yilning 9 iyun kuniga belgilangan.

Shuningdek, UEFA qur'a paytida Serbiya va Kosovo hamda jamoalarining bir guruhdan joy olishi yoki to'qnash kelishining oldini oladi. Bundan tashqari Rossiya jamoalarining Ukraina va Gruziya bilan o'ynashiga yo'l qo'yilmaydi.

Eslatib o'tamiz, 2010 yilning 22 iyul sanasida Birlashgan millatlar tashkiloti Kosovoning Serbiyadan ajralib chiqqanini tan olgan edi. Rossiya esa bu qarorni tan olmagan.