Sulsher Pogba va Zidan o'rtasidagi uchrashuvga izoh berdi

"Manchester Yunayted" bosh murabbiyi Ule Gunnar Sulsher jamoa yarim himoyachisi Pol Pogba va "Real" bosh murabbiyi Zayniddin Zidan o'rtasida bo'lib o'tgan uchrashuv borasida o'z fikrlarini bildirib o'tdi.

Eslatib o'tamiz, frantsiyalik mutaxassis anchadan beri "Real" rahbariyatidan Pogbani xarid qilishni so'raydi.

"Pogbadan "MYu"da o'ynash istagi yo'qligi haqida hech narsa eshitmadim. Pol bu erda qolishni va shu erda o'ynashni istaydi. U bir necha kun dam olish imkoniyatiga ega bo'ldi. U bu erdan olisda edi, keyin esa bu suratlar paydo bo'ldi. Sen "Manchester Yunayted" a'zosi ekansan, seni har joyda suratga tushirishadi. Ammo bu borada menda hech qanday muammo yo'q", - dedi Sulsher.