Aleksis Sanches yil oxirigacha safdan chiqdi

Chili terma jamoasi va «Inter» klubi hujumchisi Aleksis Sanches chap oyog'ining to'piq qismidan operatsiya qilindi.

Jarrohlik amaliyoti muvaffaqiyatli o'tdi, deya xabar tarqatdi «neradzurri» rasmiy sayti. Sanchesning tiklanishi uchun kamida 3 oy vaqt kerak. Shu tariqa, chililik futbolchi 2019 yilda boshqa maydonga tushmaydi.

Eslatib o'tamiz, Aleksis Sanches Kolumbiyaga qarshi o'rtoqlik o'yinida jarohat olgan edi.