Doston Hamdamov: «Falastindan uchralgan mag'lubiyat tasodif ekanligini isbotlaymiz»

O'zbekiston terma jamoasi yarim himoyachisi Doston Hamdamov Singapurga qarshi kechgan bahsdan (3:1) so'ng o'yin haqida fikrlari bilan o'rtoqlashdi.

– Avvalam bor g'alaba bilan tabriklayman. Bugungi o'yindan ham muxlislar yirik hisobdagi g'alaba kutishgandi. Uchrashuvni yaxshi boshladik, ammo gol urib olganimizdan so'ng futbolchilar bo'sh harakat qilishdi. Bu haqida nima deya olasiz?

– Rahmat! O'yin yaxshi o'tdi deb o'ylayman. Singapur ham yaxshi qarshilik ko'rsatdi. Ularda ham ko'plab imkoniyatlar bo'ldi. Bizni bo'sh tomonimizdan unumli foydalanishdi va birinchi bo'lim yakunida hisobni tenglashtirishdi. Muhimi o'tkazib yuborilgan goldan so'ng tushkunlikka tushib qolmadik va harakat qilib yakunda g'alaba qozondik.

– Bugungi o'yinda siz ko'plab vaziyatlarda markaziy hujumda ham ko'rindiz. Bu Abramov tomonidan o'ylab topilgan chalg'itish usulimi?

– Ha, to'g'ri ko'proq markazda ham harakat qildim. O'yin oldidan Abramov menga shunday ko'rsatma bergan edi. Har bir murabbiyning o'z taktik qarashlari bor shuning uchun bugun markazda ham haraqat qildim. Men murabbiy qo'ygan harqanday nuqtada o'ynashga tayyorman.

– Falastin kecha Saudiyadan ham ochko tortib olishga erishdi. Nima deb o'ylaysiz Falastin termasi chindan ham kuchlikmi, yoki biz ularga tasodifan yutqazdikmi?

– Har bir jamoaga jiddiy qarash kerak. 1-turda Falastindan uchralgan mag'lubiyatni tasodifiy deb ayta olaman. Bu mag'lubiyat tasodif ekanligini isbotlash uchun Falastinni o'zimizda mag'lub etishimiz kerak.

Jaloliddin Qobiljonov yozib oldi.