Baxtiyor Ashurmatov Umid Ahmadjonovga «Buxoro» haqida gapirib berdi

Avvalroq Milliy olimpiya qo'mitasi prezidenti Umid Ahmadjonov Buxoro viloyatida nufuzli musobaqalarda sovrindor bo'lgan sportchilarni taqdirlash marosimida ishtirok etib, ikki sportchiga Spark avtomobili kalitlarini topshirgan edi.

MOQ prezidenti va O'FA birinchi vitse-prezidenti Umid Ahmadjonov kunning ikkinchi yarmida “Buxoro” futbol klubining bazasiga bordi. Bu haqda Milliy olimpiya qo'mitasi matbuot xizmati xabar bermoqda.

Bazaga tashrif chog'ida Umid Ahmadjonovga MOQ vitse-prezidenti Komil Ro'ziev, O'FA vitse-prezidenti Shoikrom Isroilov, PFL bosh direktori Omon G'ofurov, «Buxoro» jamoasi bosh murabbiyi Baxtiyor Ashurmatov hamrohlik qildi. Bosh murabbiy MOQ rahbarini klub bazasi bilan tanishtirdi, jamoaning yangi mavsumga ko'rayotgan tayyorgarligi haqida gapirib berdi.