«PSJ» Mbappeni jahonning eng ko'p maosh oluvchi futbolchisiga aylantirmoqchi

«PSJ» hujumchisi Kilian Mbappe o'z jamoasi bilan shartnomani uzaytirishi mumkin. Bu haqda Le10Sport xabar tarqatdi.

Manbaga ko'ra, jamoa rahbariyati 20 yoshli futbolchiga 2024 yilgacha bo'lgan shartnoma va 50 million evro yillik maosh taklif qilmoqchi. «PSJ» Mbappeni o'z safida saqlab qolish va uni «Real» ilib ketmasligi uchun shunday yo'l tutmoqchi.

Frantsiyalik hujumchi mazkur shartnomaga imzo cheksa, jahonning eng ko'p maosh oluvchi futbolchisiga aylanadi.

Kilian ushbu mavsumda Frantsiya chempionati doirasida 4ta o'yinda maydonga tushib, 1ta gol urdi va ikkita golga uzatma berdi.