Birinchi bo'limdan so'ng: Singapur - O'zbekiston - 1:1

Jahon chempionati saralash bosqichi doirasida Singapur va O'zbekiston terma jamoalari o'rtasidagi o'yinning birinchi bo'limi yakunlandi.

Yamanga qarshi o'yin bilan solishtirganda, Abramov asosiy tarkibda bitta o'zgarishni amalga oshirdi: Iskanderov o'rniga bu safar Odil Ahmedov maydonga tushirildi.

Aynan jamoamiz sardori bahsning 15-daqiqasida hisobni ochishga muvaffaq bo'lishdi. Qodirqulov faol harakatlari orqali raqib jarima maydoniga kirmoqchi bo'lganida, himoyachi uni yiqitdi. Belgilangan jarima zarbasini Odil shunday amalga oshirdiki, Qatar (o'rtoqlik o'yini) va Ummon (Osiyo kubogi-2019) darvozalariga bo'lgani kabi olis burchakdan o'rin oldi.

Shundan so'ng Singapur hujumga o'ta boshlashi oqibatida vakillarimizda qarshi hujumda imkoniyatlar yuzaga kela boshladi. Uchrashuvning 33-daqiqasida Alijonovning uzatmasidan keyin Shomurodov darvoza tomon zarba berdi. To'p esa ustun yonidan o'tib ketdi. Oradan ko'p o'tmasdan yana Alijonov o'ng qanotdan chiroyli uzatma bilan to'pni Hamdamovning boshiga "qo'ndirdi", ammo Dostonning zarbasidan keyin to'p to'sin ustidan o'tib ketdi.

Aynan bosh bilan zarba berishda mezbonlar aniq harakat qilishdi. Bo'limga qo'shib berilgan daqiqalarda baland bo'yli Ixsan Fandi qanotdan etkazilgan uzatmani darvozaga joylab qo'ydi. Eldor Suyunov to'pga tashlandi, ammo uni qaytara olmadi.

Shu tariqa, birinchi bo'limdan so'ng kamida 2ta to'p farqi bilan oldinda borishi kerak bo'lgan O'zbekiston terma jamoasi tanaffusga durang bilan yo'l oldi.

JCh-2022 saralash. "D" guruhi, 4-tur
Singapur, Singapore Sports Hub Stadium. 16:45
SINGAPUR - O'ZBEKISTON 1:1 (birinchi bo'limdan so'ng)
Gollar: Ixsan Fandi (45+1) — Odil Ahmedov (15)
Ogohlantirishlar: Shaval Anvar (31)
Singapur: 01.Izvan bin Mahbud, 08.Shahdan Sulaymon, 09.Ixsan Fandi, 11.Muhammad bin Ahmad, 13.Hafiz Nor, 14.Hariss Harun (S), 16.Hami Syahin, 17.Irfan Fandi Ahmad, 20.Shaval Anvar, 21.Safuvan bin Baharuddin, 23.Zulfahmi bin Arifin
Zaxira: 12.Jarfan Rohayzad (D), 18.Hassan bin Abdulloh (D), 02.Firdavs bin Kasman, 03.Irvan Shoh Arismayl, 04.Darren Teb, 05.Bayhakki bin Xayzan, 06.Amirul bin Azmi, 07.Hazzuvan Halim, 10.Faris bin Ramli, 15.Yasir Hanapi, 19.Fariz Farhan, 22.Gabriel Kuak
O'zbekiston: 01.Eldor Suyunov, 04.Farrux Sayfiev, 05.Rustam Ashurmatov, 20.Islom To'xtaxo'jaev, 03.Hojiakbar Alijonov, 13.Sanjar Qodirqulov, 09.Odil Ahmedov (S), 10.Jaloliddin Masharipov, 07.Otabek Shukurov, 17.Doston Hamdamov, 14.Eldor Shomurodov.
Zaxira: 12.Sanjar Quvvatov (D), 16.Abdumavlon Abdujalilov (D), 02.Sharof Muhiddinov, 06.Azizjon G'aniev, 08.Ikromjon Aliboev, 11.Temurxo'ja Abduxoliqov, 15.Egor Krimets, 18.Sardor Mirzaev, 19.Akbarjon Ismatullaev, 21.Igor Sergeev, 22.Jamshid Iskanderov, 23.Xurshid G'iyosov
Bosh hakam: Shen Yin Xao (Xitoy)