Ukraina Prezidenti: "Ukraina jamoasini Evro-2020 yo'llanmasini muddatdan oldin qo'lga kiritgani bilan tabriklayman"

Evro-2020 saralashining ettinchi turida Ukraina terma jamoasi o'z uyida Portugaliyani 2:1 hisobida mag'lub etdi.

Bu Ukraina terma jamoasiga turnirga muddatdan oldin yo'llanmani kafolatladi va guruhda birinchi o'rinni egalladi.

"Men Ukraina jamoasini Evro-2020 guruhida birinchi o'rinni egallab turgani bilan tabriklayman! Bizning yigitlar o'zlarining haqiqiy fe'l-atvorini va g'alaba qozonish uchun irodalarini namoyish etishdi, hatto ozchilikda qolib", - dedi Ukraina Prezidenti Vladimir Zelenskiy o'zining Facebookdagi sahifasida.

Kechagi uchrashuv, 14-oktyabr Ukrainada himoyachilar kuniga to'g'ri keldi.

"Hozirgi Evropa chempioni Portugaliyani mag'lub etib, siz ushbu bayramda Ukrainaning barcha himoyachilariga chinakam sovg'a qildingiz! Sizlarga kelajakda yorqin g'alabalarni tilayman. Ukraina sharafi!", - deya qo'shimcha qildi Vladimir.