«Nasaf» yana kuchli baquvvat homiyga ega bo'ldi

"ENTER Engineering" kompaniyasi 2020 yil oxiriga qadar "Nasaf" futbol kulbi bilan umumiy qiymati 10 mlrd. so'm bo'lgan homiylik shartnomasini imzoladi.

Ushbu mablag'lar "Nasaf" futbol klubining moddiy-texnik va ilmiy-metodik bazasini mustahkamlash va rivojlantirish, o'quv-mashg'ulot jarayonining yuqori sifatini ta'minlash, shuningdek, aholining keng qatlamlari o'rtasida futbolni faol targ'ib qilish va ommalashtirishga yo'naltiriladi.

"Nasaf" futbol klubi rahbariyati o'z futbol maktabi negizida yosh futbolchilarni tarbiyalash uchun xorijiy legionerlarni jalb qilishdan voz kechishga qaror qildi.

Eslatib o'tamiz, "ENTER Engineering" Rossiyaning "Gazprombank" kompaniyasiga tegishli korxona bo'lib, ular "Sho'rtan" gaz-kimyo kompleksini modernizatsiya qilish, loyiha qiymati 175 mln evro bo'lgan «Humo Arena» muz saroyini qurishda bosh-qosh bo'lgan kompaniya sanaladi.