Bonano: "Barselona"dek o'zgacha jamoaga mos murabbiyni topish qiyin bo'lardi"

Roberto Bonano Xavining "Barsa" bosh murabbiyi sifatida qolish qaroridan mamnun.

Avvalroq, 44 yoshli mutaxassis Kataloniya klubi bosh murabbiyligidan ketish haqidagi fikrini nima uchun o'zgartirganini tushuntirib bergandi.

«Xavi «Barselona» bosh murabbiyi bo'lib qolgani juda yaxshi. U klubni, uning xususiyatlarini juda yaxshi biladi, qiyin vaziyatlarda qanday manevr qilishni biladi, chunki unda "Barselona" DNKsi bor.

U bu klubda futbolchi sifatida rivojlandi va murabbiy sifatida kamol topganini allaqachon isbotlagan.

U jamoa bilan chempionlikni qo'lga kiritgan, nihoyat Chempionlar ligasida o'zini ko'rsatgan va bu tuzilmadagi katta qiyinchiliklarni inobatga olgan.

"Barselona"dek o'zgacha jamoaga mos murabbiyni topish qiyin bo'lardi. Jamoa uning qaroriga quvnoq munosabat bildirgani ham juda muhim, "Valensiya"ga qarshi g'alabali o'yin jamoa bu qarordan xursand ekanligini isbotlaydi", - dedi "Barselona" va Argentina terma jamoasi sobiq darvozaboni Roberto Bonano.