Venger: «Azar «Real» safida Ronaldu kabi 50ta gol ura olmaydi»

«Arsenal» klubi sobiq bosh murabbiyi Arsen Vengerning ta'kidlashicha, yarim himoyachi Eden Azar «Real»dagi mavjud muammolarni hal qilib bera olmaydi.

«Azarning «Real»ga yordami tegadi, ammo u Ronalduning o'rnini bosa olmaydi. U bir mavsumda elliktalab gol ura olmaydi. Shunga qaramay, Eden jamoadoshlari uchun vaziyatlar yaratish va ba'zida hujumni yakunlashda o'ziga xos futbolchi hisoblanadi.

«Real»ga yana bir hujumchi kerak. Boisi, Benzema 32ga kirdi. Uning atrofida yosh hujumchilar bo'lganida «Real»ning ishlari yaxshiroq ketardi», – dedi Venger.

Eden Azar ushbu mavsumda «Real» safida barcha musobaqalar doirasida 6ta o'yinda maydonga tushib, 1ta gol urdi va 1ta golga uzatma berdi.