Evro-2020 saralash. «E» guruhi. Xorvatiya g'alaba qozondi, Uels durang o'ynadi

Evropa-2020 saralash bosqichi doirasida navbatdagi tur o'yinlari bo'lib o'tdi.

Xorvatiya terma jamoasi o'z uyida Vengriyani qabul qilib, yirik hisobda g'alaba qozondi hamda nafaqat guruh peshqadamligini saqlab qoldi, balki 2-o'rindagi jamoadan 3 ochkoga ilgarilab ketdi.

Boisi, Slovakiya terma jamoasi o'z maydonida Uels bilan durang o'ynadi.

Natijada 5ta o'yindan so'ng 7 ochko to'plagan Garet Beyl jamoadoshlari guruhda qiyin ahvolga tushib qolishdi. Keyingi turda uelsliklarni Xorvatiya va Vengriyaga qarshi qiyin o'yinlar kutib turibdi.

Evro-2020 saralash
"E" GURUHI
Xorvatiya – Vengriya 3:0 (3:0, 0:0)
Gollar: 1:0 – 5 Modrich, 2:0 – 24 Petkovich, 3:0 – 42 Petkovich.
Xorvatiya – Livakovich, Edvay, Vida, Lovren, Barishich, Perishich (Brekalo, 61), Modrich (Kovachich, 67), Rakitich (Vlashich, 74), Brozovich, Petkovich, Rebich.
Vengriya – Gulachi, Kadar (Lang, 46), Korxut, Orban, Lovrenchich, Xolman, Vida, Shallai (Varga, 76), Klyaynxaysler, Jujak (Nad, 60), Salai.
Chetlatish: Klyaynxaysler (56).

Slovakiya – Uels 1:1 (0:1, 1:0)
Gollar: 0:1 – 25 Mur, 1:1 – 53 Kutska.
Slovakiya – Dubravka, Pekarik, Domber, Gantsko, Shkrinyar, Gamshik, Kutska, Rusnak, Lobotka, Mak (Garaslin, 79), Bojenik (Shafranko, 86).
Uels – Xennessi, Ampadu (Morrell, 58), Rodon, Loker, Roberts, Uilyams (Uilson, 66), Allen, Beyl, Jeyms, Devis, Mur.
Chetlatish: Domber (88).