O'zbekiston U19 bugun Tailandda mashg'ulot o'tkazdi

Otabek G'ulomxo'jaev boshchiligidagi O'zbekiston yoshlar terma jamoasi Tailandda o'tadigan “GSB Bangkok Cup” musobaqasiga yo'l olganidan xabaringiz bor. Bugun O'zbekiston U-19 terma jamoasi Tailandda mashg'ulot o'tkazdi.  

Ta'kidlash joiz, musobaqada, shuningdek, Janubiy Koreya, Tailand va Vetnam yoshlar terma jamoalari g'oliblik uchun bahs olib borishadi.  

Ertaga vakillarimiz Janubiy Koreya U19 termasi bilan bahs yuritishadi. O'yin Toshkent vaqti bilan soat 13:00da bo'lib o'tadi.  

Musobaqa 2 ta o'yin kunidan iborat bo'lib, yarim finalda g'olib chiqqan jamoalar chempionlik uchun, yarim finalda mag'lub bo'lganlar esa 3-o'rin uchun o'yinda maydonga tushishadi.