Shvaynshtayger faoliyatini yakunlashini e'lon qildi

Germaniya terma jamoasi sobiq yarim himoyachisi Bastian Shvaynshtayger faoliyatini yakunlashga qaror qildi.

«Mavsum oxirida futbolchilik faoliyatimni yakunlayman. Hammaga va men o'ynagan barcha jamoalarga rahmat aytmoqchiman: "Bavariya", "Manchester Yunayted", Chikago va Germaniya terma jamoasi», - deb yozdi Shvaynshtayger Instagramdagi sahifasida.

Ma'lumot uchun, "Bavariya" tarkibida Shvaynshtayger sakkiz karra Germaniya chempioni bo'ldi va 2013 yilda Chempionlar Ligasini qo'lga kiritdi.

Terma jamoa tarkibida u 121 ta o'yin o'tkazib, 24 ta gol urdi, Jahon chempionatida oltin (2014 y) va bronza (2006, 2010 y), 2008 yildagi Evropa chempionatida kumush medallariga sazovor bo'ldi.