«Turnir jadvaliga qarashni istamayman» – Pochettino

“Tottenxem” bosh murabbiyi Maurisio Pochettino “Kardiff”ga qarshi o'yindan so'ng fikrlarini bildirib o'tdi.

“G'alaba qozonganimizdan hursandman. Bizda dam olish uchun unchalik ko'p vaqt bo'lmagan bo'lsa-da, chiroyli o'yin namoyish qildik.

Bizning o'yinga bo'lgan shiddatimiz g'alaba qozonishimizga yordam berdi. Hisobni ochish oson bo'lmasligini bilardik. Shuning uchun, o'yinining boshidan yuqori ruhda boshladik. 

“Tottenxem” ikkinchi o'rinda? Turnir jadvaliga qarashni istamayman. Albatta, bizning jadvaldagi holatimiz yaxshi. Lekin, mavsum davomida muntazam shunday tarzda ketishimiz lozim.

“Man Siti” va “Liverpul” o'yini qanday natija bilan tugashini qizig'i yo'q.  Ammo o'yini tomosha qilaman. Bu eng qiziqarli o'yinlardan biri bo'ladi”, - deydi Pochettino.