Isroil Madrimov BoxRec reytingida 1-o'ringa ko'tarildi

Birinchi o'rta vaznda WBA chempioni Isroil Madrimov (10-0-1, 7 KO) dunyoga mashhur BoxRec boks statistika sayti reytingi peshqadamiga aylanib oldi.

“Mir Boksa” promouterlik kompaniyasi bilan hamkorlik qilib kelayotgan 29 yoshli charm qo'lqop ustasi o'tgan oyda vakant bo'lib turgan WBA kamari uchun kechgan jangda mag'lubiyat nimaligini bilmay kelayotgan rossiyalik Magomed Kurbanovni texnik nokautga uchratgan edi.

Ushbu tarixiy g'alabadan keyin Madrimov The Ring jurnali hamda ESPN portali tomonidan birinchi o'rta vazn toifasi reytingida uchinchi o'ringa ko'tarilib olgan edi.