Pau Torres «Vilyarreal» bilan yangi shartnoma imzoladi

"Vilyarreal" himoyachisi Pau Torres klub bilan shartnomasini yangiladi.

22 yoshli Torres "Vilyarreal" bilan shartnomasini 2024 yil yozigacha uzaytirdi, deb xabar beradi klub matbuot xizmati.

Yangi shartnomada futbolchining tovon puli 50 million evro etib belgilandi.

Shu bilan birga, futbolchining maoshi 2022 yildan boshlab ko'tarilib boradi va tovon puli 75 million evrogacha ko'tariladi.

Ushbu mavsumda Torres klub safida 7 ta o'yin o'tkazdi.