Hamidjon Aktamov: «Tayyor g'alabani qo'ldan chiqardik»

"Qizilqum" - "Lokomotiv" (1:1) uchrashuvidan keyingi matbuot anjumanining ikkinchi qismida jamoamiz murabbiyi o'yin haqidagi fikrlari bilan o'rtoqlashdi.

-Raqibimiz mamlakatning eng kuchli jamoalaridan biri bo'lishiga qaramay, biz uchun g'alaba suv va havodek zarur edi. Shu bois bugun g'alaba uchun maydonga tushgandik. O'yinda gol urish uchun ko'plab vaziyatlarni yarata oldik. Golgacha Doston Ibragimovning o'zida bir qator yaxshi imkoniyatlar bo'ldi. Lekin undan foydalana olmadi. Goldan keyin asosiy e'tiborni himoya qaratdik. Ammo o'yin oxirida birgina xato qimmatga tushdi. G'alaba qozonib turgan o'yinimizda, tayyor ikki ochkodan mahrum bo'ldik. Yigitlarga rahmat. Bor kuchlarini berib harakat qilishdi. Ibragimov nega zaxiraga olindi? U kichik to'qnashuvda jarohat olgandek tuyuldi. Shu bois majburiy o'zgarishni amalga oshirdik... Oldimizdagi maqsad o'zgarmaydi. Qolgan o'yinlarda maksimal ochko yig'ishga harakat qilamiz.