EChL. «V» guruhi. «Bavariya» «Tottenxem»ni yanchib tashladi, Gnabridan poker

Evropa chempionlar ligasining 2-turi doirasida "Tottenxem" o'z uyida "Bavariya"ni qabul qilib, o'ta yirik hisobda mag'lub bo'ldi.

Uchrashuv esa londonliklar uchun muvaffaqiyatli boshlangan edi. Son Xyon Min 12-daqiqada myunxenliklar darvozasini ishg'ol qildi. Germaniyaliklar esa tezda hisobni tenglashtirib, birinchi bo'lim tugash arafasida Levandovskining goli hisobda oldinga chiqib olishdi.

Ikkinchi taymda Serj Gnabrining yulduzli onlari boshlandi. 24 yoshli futbolchi bo'lim avvalida ikki daqiqa ichida ikkita gol urdi. Oradan ko'p o'tmay Xarri Keyn penaltidan hisobni 2:4ga etkazib, o'yinga intrigani qaytargandek bo'lgandi. Ammo so'nggi 10 daqiqada Gnabri yana 2ta, Levandovski esa bitta gol urib, yakuniy hisobni 2:7 ko'rinishiga keltirib qo'ydi.

"V" guruhidan o'rin olgan "Tsrvena Zvezda" va "Olimpiakos" jamoalari o'rtasidagi o'yinda serblar irodali g'alabani qo'lga kiritishdi. Ikkinchi bo'limda greklar futbolchisi Benziya maydondan chetlatilgani mezbonlarga qo'l keldi.

Ikkinchi turdan so'ng "Bavariya" 6 ochko bilan peshqadam, "Tottenxem" esa 1 ochko bilan jadvalda so'nggi pog'onani egallab turibdi.

Evropa chempionlar ligasi, 2-tur

«B» GURUHI
Tottenxem Angliya – Bavariya Germaniya 2:7 (1:2, 1:5)
Gollar: 1:0 – 12 Son Xyon Min, 1:1 – 15 Kimmix, 1:2 – 45 Levandovski, 1:3 – 53 Gnabri, 1:4 – 55 Gnabri, 2:4 – 61, penalti Keyn, 2:5 – 83 Gnabri, 2:6 – 87 Levandovski, 2:7 – 88 Gnabri.
Tottenxem – Loris, Ore, Alderveyreld, Vertongen, Rouz, Uinks (Lamela, 81), Ndombele (Eriksen, 64), Sissoko, Alli (Lukas Moura, 71), Son Xyon Min, Keyn.
Bavariya – Noyer, Pavar, Zyule, Boateng (Martines, 72), Alaba (Alkantara, 46), Kimmix, Tolisso, Koman (Perishich, 71), Koutino, Gnabri, Levandovski.
Ogohlantirishlar: Gnabri (25), Ndombele (42), Keyn (46).

Tsrvena Zvezda Serbiya – Olimpiakos Gretsiya 3:1 (0:1, 3:0)
Gollar: 0:1 – 37 Ruben Semedu, 1:1 – 62 Vulich, 2:1 – 87 Milunovich, 3:1 – 90 Boachi.
Tsrvena Zvezda – Boryan, Gobelich, Milunovich, Degenek, Rodich, Yovanchich (Vulich, 55), Kanyas (Petrovich, 73), Garsiya, Marin, van La Parra (Boachi, 61), Tomane.
Olimpiakos – Joze Sa, Torosidis, Ruben Semedu, Merya, Tsimikas, Buxalakis, Kamara (El-Arabiy, 89), Masuras (Elabdellaui, 79), Benziya, Lovera (Podense, 61), Gerrero.
Ogohlantirishlar: Rodich (26), van La Parra (36), Benziya (42), Boachi (80), Petrovich (83), Torosidis (90), Marin (90).
Chetlatish: Benziya (57).