APL. «MYu» - «Arsenal» o'yinida durang qayd etildi (videosharh)

Angliya chempionatining 7-turi markaziy o'yin bilan yakuniga etdi. "Manchester Yunayted" o'z uyida "Arsenal"ni qabul qilib, durangga imzo chekdi.

Birinchi bo'lim tugash arafasida mezbonlar tomonidan uyushtirilgan hujum gol bilan yakunlandi. Maktomini 20 metrdan yo'llanrgan zarbani Leno qaytara olmadi.

"Kanonirlar" ikkinchi bo'limga faol boshlashdi. Mankunianliklar himoyachisining qo'pol xatosidan keyin Obameyang yakkama-yakka vaziyatga chiqdi va darvozani ishg'ol qildi. Laynsmen dastlab bayroqchani ko'targan edi, ammo VAR ofsayd yo'qligini ko'rsatdi hamda gol inobatga olindi.

Qolgan daqiqalarda "MYu" bir nechta xavfli vaziyatlar yaratdi, biroq Sulsher shogirdlari ularni golga aylantira olmadi.

Angliya premer-ligasi, 7-tur
Manchester Yunayted – Arsenal 1:1 (1:0, 0:1)
Gollar: 1:0 – 45 Maktomini, 1:1 – 58 Obameyang.
Manchester Yunayted – De Xea, Yang, Lindelef, Maguayr, Tuanzebe, Maktomini, Pogba, Pereyra (Grinvud, 74), Lingard (Fred, 74), Djeyms, Reshford.
Arsenal – Leno, Chembers, Papastatopulos, David Luiz, Kolashinats, Torreyra (Sebalos, 55), Jaka, Genduzi, Pepe (Nelson, 74), Obameyang, Saka (Uillok, 80).
Ogohlantirishlar: Chembers (10), Reshford (27), Pereyra (32), Yang (41), Lingard (68), Jaka (77).