Vadim Abramov: «Terma jamoaga bosh murabbiy bo'lganim futbolchilarga ruhiy ta'sir qilayotgandir»

Coca Cola Cuperliganing 21-turidan o'rin olgan «Bunyodkor» - «Buxoro» uchrashuvidan keyin mezbonlar ustozi Vadim Abramov OAV xodimlarining savollariga javob qaytardi.

- Raqibni mensimadik deya olmayman, shunchaki, «Buxoro» kutganimizdek himoyaviy o'yin namoyish qildi, deyarli barcha futbolchilar orqa chiziqda o'ynadi. Biz to'p nazoratini to'liq o'z qo'limizda ushlab turgan bo'lsakda, hech bir o'yinchimiz etakchilikni o'z qo'liga olishni istamadi. Qolaversa, jamoa etakchilari ham o'z imkoniyati darajasida to'p surgani yo'q. So'nggi o'yinlarda individual xatolar sababli o'z darvozamizdan to'p olib chiqyapmiz.

Jamoamizda qandaydir «spad» bo'lyapti. Saralash o'yinlari sababli yuzaga kelgan tanaffusdan keyin futbolchilarimiz o'ziga o'xshamayapti. O'ylaymanki, terma jamoa tufayli bo'ladigan navbatdagi tanaffus bizning foydamizga xizmat qiladi. Balki menining terma jamoaga bosh murabbiy bo'lganim futbolchilarga ruhiy ta'sir qilayotgandir, yana bilmadim. Chunki bugun ham yigitlarda qandaydir ishonch sezmadim, futbolchilar tavakkal qilishni istamadi.