APL. «Lester Siti» «Nyukasl»ni yanchib tashladi (videosharh)

Angliya chempionatining 7-turi doirasida «Lester» o'z uyida «Nyukasl»ni qabul qilib, yirik hisobda g'alaba qozondi.

Bahsning 16-daqiqasida Rikardu Pereyra hisobni ochdi. Birinchi bo'limga tugashiga 2 daqiqa qolganida "qarg'alar" yarim himoyachisi Ayzek Xeyden maydondan chetlatildi.

Natijada, "tulkilar" ikkinchi bo'limda raqib darvozasini yana 4 marta ishg'ol qilishdi. Yakuniy hisob — 5:0.

"Lester" 14 ochko bilan APL jadvalida 3-pog'onada bormoqda.

Angliya premer-ligasi, 7-tur
Lester – Nyukasl 5:0 (1:0, 4:0)
Gollar: 1:0 – 16 Rikardu Pereyra, 2:0 – 54 Vardi, 3:0 – 57, avtogol Dammett, 4:0 – 64 Vardi, 5:0 – 90 Ndidi.
Lester – Shmeyxel, Rikardu Pereyra, Evans, Seyundjyu, Chiluell, Ndidi, Peres (Grey, 84), Prat (Chouduri, 79), Tilemans, Barns (Olbrayton, 58), Vardi.
Nyukasl – Dubravka, Kraft, Lassels, Sher, Dammett, Xeyden, Longstaff, Almiron (Yedlin, 74), Muto (Ki Son En, 45), Atsu, Joelinton (Kerroll, 63).
Ogohlantirishlar: Vardi (24), Sher (88).
Chetlatish: Xeyden (43).