Ramos: «Atletiko» vaziyat yaratish uchun bizga imkon bermadi»

«Real» himoyachisi Serxio Ramos Ispaniya La ligasining 7-turi doirasida bo'lib o'tgan «Atletiko»ga qarshi o'yin (0:0) borasida o'z fikrlarini bildirib o'tdi.

«Atletiko»ga qarshi o'yinlar hamisha katta kuch talab qiladi. Ularga qarshi o'ynash qiyin. Shuning uchun eng kamida gol o'tkazib yubormaslik muhim ahamiyatga ega edi. Bundan tashqari, vaziyat yaratish qiyin bo'ldi. Boisi, ular bizga kenglik berishmadi. Biz yakuniy natijadan qoniqish hosil qilmadik. Biz 3 ochkoni qo'lga kiritmoqchi edik.

O'ylashimcha, biz to'g'ri yo'ldan ketyapmiz. Hakam bilan tortishuv borasida to'xtaladigan bo'lsam, raqib jamoa ko'p qoida buzgan bo'lsa-da, biz ko'p ogohlantirish oldik», – dedi Ramos.

As tarqatgan xabarga ko'ra, bahsli vaziyatlarning birida Ramos hakamni haqorat qildi, ammo hech qanday jazo olmadi.