“Qo'qon-1912” - “Metallurg”: o'zaro o'yinlar tarixidan

Coca Cola Superligasi 21-tur doirasidan o'rin olgan “Qo'qon-1912” - “Metallurg” uchrashuvi 30 sentyabr kuni Qo'qon shahrida bo'lib o'tadi. Mazkur bahs oldidan bu jamoalarning o'zaro o'yinlardagi statistik ma'lumotlari bilan tanishtirib o'tamiz.

O'zaro o'yinlar

Mazkur jamoalar shu kunga qadar O'zbekiston chempionatlarida 19 marta to'qnash kelishgan. O'yinlarning to'qqiztasida futbolchilarimiz g'alaba qozonishgan. Sakkizta uchrashuvda Bekobodliklar qo'li baland kelgan. Ikkita bahsda g'olib nomi aniqlanmagan.
To'plar nisbati 30-29 jamoamiz foydasiga. O'zaro uchrashuvlarda jamoamiz 29 ochkoni qo'lga kiritgan. “Metallurg” hisobida esa 26 ochko mavjud.

Qo'qonda bo'lib o'tgan uchrashuvlar:

13.07.2018. Qo'qon 1912 – Metallurg - 2:1
22.04.2017. Qo'qon 1912 – Metallurg - 3:0
17.09.2016. Qo'qon 1912 – Metallurg - 2:1
25.10.2015. Qo'qon 1912 – Metallurg - 2:1
13.09.2003. Qo'qon 1912 – Metallurg - 4:0
23.11.2002. Qo'qon 1912 – Metallurg - 1:0
29.04.2000. Temiryo'lchi – Metallurg - 2:0
02.10.1999. Temiryo'lchi – Metallurg - 5:1
05.09.1998. Temiryulchi – Metallurg - 1:1

Yirik g'alabalar

Vakillarimiz ushbu jamoani uch marta yirik hisobda dog'da qoldirishgan – 1999 yilda 5:1, 2003 yilda 4:0, 2017 yilda 3:0. O'z navbatida “Metallurg” ham ikki marta jamoamizni yirik hisobda mag'lub etgan – 2000 yilda 6:1, 2017 yilda 3:0.
O'zaro o'yinlarda qayd etilgan duranglar esa ushbu jamoalarning birinchi va ikkinchi uchrashuvlarida ya'ni, 1998 yildagi bahslarda qayd etilgan. 20 yildan beri bu klublar to'qnashuvida durang natija kuzatilayotgani yo'q.

Boshlanish vaqtlari

"Qo'qon-1912" - “Metallurg” uchrashuvi, dushanba kuni Qo'qondagi “Markaziy” stadionda soat 16:00 da start oladi. Ertaga esa ushbu jamoalarning o'rinbosarlari U-21 birinchiligi 21-turida maydonga tushishadi. Mazkur o'yin Yaypan shahridagi "O'zbekiston" stadionida soat 15:00 da boshlanadi.