«Lester»ning sobiq murabbiyi Frantsiya klubini boshqarishi mumkin

“Lester Siti”ning sobiq murabbiyi Klod Pyuel “Sent-Eten”ni boshqarishga tayyor. Bu haqida Canal + nashri xabar berdi.

Murabbiy kelasi haftadan ishga kirishadi. Jamoaning ayni damdagi murabbiyi Gislen Prentan “Nim”ga qarshi o'yindan so'ng iste'foga chiqadi.

Ma'lumot uchun, 2008-2011 yillari Pyuel “Sent-Eten”ning ashaddiy raqibi “Lion”ni boshqargan. Murabbiyning so'nggi ish joyi “Lester” hisoblanadi. U 2019 yil fevral oyida jamoani tark etgandi.