FIFA: «The Best natijalari ishonchli ekaniga shubha bo'lishi mumkin emas»

Ushbu haftada FIFA «Barselona» hujumchisi Lionel Messiga The Best sovrinini topshirdi. Ammo keyinchalik tashkilot ovozlarni soxtalashtirganlikda ayblandi. FIFA esa bu ayblovlarni inkor qilib chiqdi.

«FIFA va mustaqil kuzatuvchi shuni tasdiqlaydiki, barcha ma'lumotlar haqqoniy va o'z vaqtida rasmiylashtirilgan ovozlar inobatga olindi. Natijalarning haqqoniy ekaniga shubha bo'lishi mumkin emas», – deya bayonot berdi FIFA.

Avvalroq Nikaragua terma jamoasi Xuan Barrera bayonot berib, FIFA uning ovozini soxtalashtirganini hamda u Messiga ovoz bermaganini ta'kidlagan edi. Keyinchalik xalqaro futbol assotsiatsiyalari federatsiyasi u tomonidan ovoz berilgan blankni e'lon qilib, futbolchining da'vosi noto'g'ri ekanini isbotlagan edi.

So'rovnoma natijasida "Liverpul" himoyachisi Virjil van Deyk Messidan 8 ochko ortda qoldi.