Emeri «Arsenal»ning yangi sardorini e'lon qildi

Shveytsariyalik yarim himoyachi Granit Jaka rasman "Arsenal" sardoriga aylandi, deb xabar beradi BBC.

Futbolchilar bilan maslahatlashgandan so'ng, "to'pchilar" ustozi Unai Emeri jamoaga yangi sardorni taqdim etdi.

26 yoshli Jaka ushbu mavsumda o'tkazilgan sakkiz o'yinning oltictasida "Arsenal"ni sardorlik bog'ichi ostida maydonga olib chiqdi.

Jamoaning avvalgi sardori yozda "Bordo"ga ko'chib o'tgan Loran Koselni edi.