Shota Arveladze «Paxtakor»ga Levandovski, Ibrahimovich yoki Grizmanni olib kelish istagida

Toshkentning «Paxtakor» klubi gruziyalik bosh murabbiyi Shota Arveladze jamoa safini yulduz hujumchi bilan to'ldirishi niyatida. Bu haqda u YouTube‘dagi «Alter Ego» kanaliga bergan intervyusida ma'lum qilgan.

«Yaqinda Emmanuel Adebayorni jamoaga taklif qilgandik. Uning transferi amalga oshishga juda yaqin qolgandi. Ammo yakunda u turk klubini tanladi.

Umuman darvozabon yoki himoyachi olishning foydasi yo'q. Menga qolsa «Paxtakor»ga Robert Levandovski, Zlatan Ibrahimovich yoki Antuan Grizmandek kuchli hujumchilarni olib kelgan bo'lardim», deya gapirib o'tgan Arveladze.