Messi: Ko'pchilik Ronaldu bilan raqobatimiz futboldan tashqariga chiqib ketgan deb o'ylaydi.

"Barselona" hujumchisi Lionel Messi "Yuventus" forvardi Krishtianu Ronaldu bilan o'zaro raqobati xususida gapirdi. 

"Ko'pchilik bizning raqobatimizni futboldan tashqariga chiqib ketgan deb o'ylaydi. Ammo unday emas. Bu holat uzoq yillardan buyon davom etayotgani bois odamlarda shunday tasavvur shakllanib qolgan. Birimiz "Barselona"da o'ynaymiz, birimiz "Real"da uzoq muddat faoliyat olib bordik. Ikkimiz ham ko'plab shaxsiy sovrinlar yutdik. Ikkalamiz ham jamoamizning eng yaxshi bo'lishini istaymiz va yutqazishni xohlamaymiz. Ana shuning uchun keskin raqobat saqlanib qolgan. Ammo bularning barchasi maydonda qollishi juda muhim", - deya Messining so'zlarini keltiradi Goal.com.

Eslatib o'tamiz, Messi shaxsiy sovrinlar borasida Ronaldudan oldinga o'tib oldi. U FIFA tomonidan beriladigan "Oltin to'p" sovrinini oltinchi marotaba qo'lga kiritdi.