Bugun «The Best» mukofotini topshirish marosimi bo'lib o'tadi

FUTBOL TV telekanali doimgidek futbol olamidagi yilning eng muhim voqeligini siz aziz muxlislarga jonli efirda namoyish etadi.

Bugun 23 sentyabr kuni Milan shahridagi “La Skala” opera teatrida FIFA (Xalqaro futbol assotsiatsiyasi) tomonidan yilning eng yaxshi futbolchisiga “The Best” mukofotining topshirish marosimi bo'lib o'tadi.

FUTBOL TV telekanali esa doimgidek futbol olamidagi yilning eng muhim voqeligini siz aziz muxlislarga jonli efirda namoyish etadi.

Bu safargi sovrin uchun kurashuvchilar ro'yxatiga “Barselona” va Argentina terma jamoasi hujumchisi Lionel Messi, “Yuventus” va Portugaliya terma jamoasi to'purari Krishtianu Ronaldu va 2018/19 yilgi mavsum o'z jamoasi “Liverpul” bilan ajoyib natijalar qayd etgan himoyachi Virjil van Deyk (Gollandiya) kiritilgan.

Mazkur marosimda shuningdek, yilning eng yaxshi ayol futbolchisi, eng yaxshi murabbiyi va darvozaboni, yilning eng chiroyli gol muallifi (Pushkash sovrini sohibi) ham aniqlanadi.

Hurmatli muxlislar! Bu yilgi “The Best” sovrini qaysi futbolchiga topshirilishi kerak deb hisoblaysiz? Messi, Ronaldu yoki Van Deyk? O'z fikrlaringizni izohlarda yozib qoldirishingiz mumkin.