Valverde: «Biz g'alabaga noloyiq edik»

Kataloniyaning “Barselona” klubi bosh murabbiyi Ernesto Valverde La Liganing 5-turidan o'rin olgan “Granada”ga qarshi o'yindan so'ng o'z fikrlarini bildirib o'tdi.

“Men o'yinimizdan xavotirdaman. Safarda yaxshi o'ynay olmayapmiz. Hujumda kuch etishmayapti. Bu holat “Borussiya”, “Osasuna” bilan o'yinlarda ham ro'y bergandi. Yaxshiroq bo'lishga harakat qilamiz.

Men yuz bergan voqea uchun javobgarlikni his qilyapman. G'azabdaman, biz g'alaba qozonishga noloyiq edik.

Raqibning yaxshi o'yinini tan olishimiz kerak. Bizni kaltaklashdi, ko'proq gol urishlari ham mumkin edi”, – deydi Valverde.