"Barselona" vingeri Lamin Yamal Ispaniya terma jamoasi safida yana bir bor golli uzatmani amalga oshirdi.

18 yoshli futbolchi bugungi JCh-2026 saralashida Bolgariya darvozasiga kiritilgan uchinchi golga Mikel Merinoga assistentlik qildi. Shu tariqa, Yamal 2023 yil sentyabr oyida debyut qilganidan beri to'qqizta golli uzatmani amalga oshirdi - bu Evropa terma jamoalarining barcha o'yinchilari orasida frantsiyalik Kilian Mbappedan (11) keyin ikkinchi ko'rsatkich, shuningdek, portugaliyalik Brunu Fernandeshning hisobida ham to'qqizta golli uzatma bor.

Bolgariyaga qarshi o'yin Lamin Yamal uchun "qizil furiya" libosidagi 22-o'yin bo'ldi. Vunderkind nafaqat to'qqizta golli uzatmani amalga oshirdi, balki o'zi ham oltita gol urdi.