Rasman! Dostonbek Tursunov Eron klubi a'zosiga aylandi

O'tgan mavsumni "Paxtakor" safida o'tkazgan himoyachi Doston Tursunov faoliyatini Eron chempionatida davom ettiradigan bo'ldi.

Xuziston shahrining "Istiqlol" klubi o'zbekistonlik futbolchining transferini e'lon qildi. Tursunov mavsum so'nggiga qadar yangi jamoasi bilan shartnoma imzoladi.

"Istiqlol" turnir jadvalida 16-turdan keyin 9 ochko bilan 16-o'rinda bormoqda.

Dostonbek Tursunov faoliyati davomida, shuningdek, "Metallurg", "Neftchi" va Janubiy Koreyaning "Pusan" klublarida to'p tepgan.

Manba: stadion.uz

Eron chempionatida o'ynayotgan futbolchilarimiz soni 3 nafarga etdi: Jaloliddin Masharipov, Oston O'runov va Dostonbek Tursunov.