Aleksandr Kasyan "So'g'diyona"ga qarshi o'yin oldidan muxlislarga va'da berdi

"Navbahor" bugun Coca Cola Cuperliga 20-turi doirasidan o'rin olgan bahsda Jizzaxda “So'g'diyona” klubi mehmoni bo'ladi.

"Lochinlar"ning rossiyalik tajribali hujumchisi Aleksandr Kasyan “So'g'diyona” – “Navbahor” bahsi oldidan o'z fikrlari bilan o'rtoqlashdi.

- Bo'lajak o'yinga Andrey Antanasovich Kanchelskis qo'l ostida jiddiy tayyorgarlik ko'rdik va maydonga g'alaba ishtiyoqida tushamiz. Albatta, “So'g'diyona” ham o'z maydonida zafar quchish uchun harakat qiladi. Shuning uchun ushbu bahsning keskin kurashlar ostida kechishi ehtimoli yuqori.

Jamoamiz 2-davrada muxlislar kutgan o'yin namoyish etolmayapti. Shuningdek, men ham to'p kiritolmayapman. Jizzaxdagi uchrashuvda gol urish, jamoamizning yutug'iga munosib hissa qo'shish uchun barcha imkoniyatimni ishga solaman.

Bo'lajak o'yinda g'alaba qozonib, muxlislarga quvonch ulashamiz, degan umiddaman.

“Navbahor” PFK matbuot xizmati.