To'rt nafar dzyudochimiz oltin medal uchun tatamiga chiqadi

Dzyudo bo'yicha Toshkent Gran-prisining ikkinchi kunida medallar uchun kurashadigan sportchilar nomi ma'lum bo'ldi. E'tiborlisi, saralash bellashuvlaridan so'ng xuddi boksdagi jahon chempionatida bo'lgani kabi 4 nafar vakilimiz kechki dasturda oltin medal uchun bahs olib boradigan bo'ldi. Shuningdek, yana bir vakilimiz bronza medali uchun tatamiga chiqadi. Yana bir ahamiyatli tomoni shundaki, -81 kilogramm vazn toifasida ikki o'zbekistonlik dzyudochi chempionlik uchun kurashadigan bo'ldi. Kechki dasturda bahs olib boradigan dzyudochilarimiz va ularning raqiblari bilan tanishing:

-73 kg:
Final: Hikmatilloh To'raev – Behruzi Hojazoda (Tojikiston)

-81 kg:
Final: Sharofiddin Boltaboev – Kamoliddin Rasulov
Bronza: Muso Sobirov – Shamil Borchashvili (Avstriya)

-70 kg:
Final: Gulnoza Matniyazova – Elisevet Teltsidou (Gretsiya)