Aziz To'xtaboev: “Qo'qonlik muxlislar ancha talabchan”

Coca Cola superligasi 20-tur doirasidagi “Qo'qon-1912” – “Lokomotiv” uchrashuvidan keyingi matbuot anjumanining ikkinchi qismida “Qo'qon-1912” jamoasi bosh murabbiyi vazifasini bajaruvchisi Aziz To'xtaboev qatnashdi.

- Bugungi bahsda g'alaba qozonishni juda xohlagandik. Shu maqsad yo'lida tayyorgarlik olib borgandik. Muxlislarimiz ham g'alabali o'yinlarga o'rganib qolishgandi. “Lokomotiv”dek kuchli jamoalarga qarshi bahsda durang natija ham yomon emas. Bugungi uchrashuvda xatolar bo'ldi. Bitta xato evaziga gol o'tkazib yubordik. Kamchiliklar ustida ishlaymiz.

O'z maydonimizda bosim ostida to'p surishga to'g'ri keladi. Qo'qonlik muxlislar ancha talabchan. Biz ularning talab va istaklarini qondirishni istaymiz.