Ekaterinburg-2019. Eng ko'p ishtirokchi O'zbekistondan (+final janglari ro'yxati)

Rossiyada davom etayotgan boks bo'yicha jahon chempionatida bugun yarim final janglari bo'lib o'tdi. Sakkizta vazn toifasida finalga chiqqan 16 nafar sportchining nomi aniq bo'ldi.

O'zbekiston delegatsiyasi finalda eng ko'p ishtirokchiga ega bo'ldi. Shahobiddin Zoirov (52 kg.), Mirazizbek Mirzaxalilov (57 kg.), Dilshodbek Ro'zmetov (81 kg.) va Bahodir Jalolov (91+ kg.) chempionlik uchun ringga ko'tarilishadi.

Hamyurtlarimizni finalda ancha shiddatli janglar kutib turibdi. Zoirov hindistonlik Amitga qarshi ringga chiqsa, Mirzaxalilovni kubalik Alvares kutib turibdi. Ro'zmetov qozog'istonlik Bekzod Nurdauletov bilan jang qiladi. Musobaqani superfinal yakunlab beradi — Jalolov - Qo'nqabaev!

Mezbon Rossiya uch nafar bokschi bilan finalda ishtirok etadi. Qozog'iston va Kuba esa ikki sportchi bilan hal qiluvchi bahslarda qatnashadi. Hindiston, AQSh, Angliya, Filippin va Ekvadorning bir nafardan bokschisi finalda ringga chiqish huquqini qo'lga kiritdi.

Final janglari. Boshlanish vaqti — 15:00.

52 kg. Shahobiddin Zoirov (O'zbekiston) — Amit Pangal (Hindiston)

57 kg. Lazaro Alvares (Kuba) — Mirazizbek Mirzaxalilov (O'zbekiston)

63 kg. Endi Krus (Kuba) — Keyshaun Devis (AQSh)

69 kg. Andrey Zamkovoy (Rossiya) — Pat MakKormak (Angliya)

75 kg. Gleb Bakshi (Rossiya) — Eumir Marsial (Filippin)

81 kg. Bekzod Nurdauletov (Qozog'iston) — Dilshodbek Ro'zmetov (O'zbekiston)

91 kg. Muslim Gadjimagometov (Rossiya) — Xulio Kastilo (Ekvador)

+ 91 kg. Qamshibek Qo'nqabaev (Qozog'iston) — Bahodir Jalolov (O'zbekiston)