Ekaterinburg-2019. Dastlabki bokschimiz — finalda!

Rio-2016 olimpiya o'yinlari g'olibi Shahobiddin Zoirov jahon chempionati finaliga yo'l oldi. 52 kg. vazndagi sportchimiz yarim finalda frantsiyalik Bilol Bennamaga qarshi ringga ko'tarildi.

Hamyurtimiz bo'y va qo'llarining uzunligi borasida ustunlikka raqibga qarshi oyoqdagi chaqqonlik orqali faol jang olib bordi. Raunddan raundga Zoirovning ustunligi oshib bordi. Hakamlarning barchasi Shahobidinning g'alabasini e'tirof etishdi — 5:0 (30:27, 30:27, 30:27, 30:27, 29:28).

26 yoshli Zoirov shu paytgacha jahon chempionati medalini qo'lga kiritmagan edi. U endi finalga chiqdi. U finalda Hasanboy Do'smatovning azaliy raqibi —hindistonlik Amit Pangalga qarshi ringga ko'tariladi. Amit yarim finalda qozog'istonlik Saken Bibossinovni mag'lub etdi.

Zoirov - Amit jangi eng zo'r finallaridan biri bo'lishiga shubha yo'q.