Erkin kurashchilarimiz saralash bosqichlaridan muvaffaqiyatli o'tishmoqda

Qozog'istonning Nur-Sultan shahrida sport kurashlari bo'yicha jahon chempionatining navbatdagi kun dasturi davom etmoqda. Xabar berganimizdek, bugungi kun dasturida 3 nafar kurashchimiz bahs olib bormoqda.

Quvonarlisi, polvonlarimiz hozirgacha muvaffaqiyatli ishtirok etishyapti. Ixtiyor Navro'zov (-70 kg), Bekzod Abdurahmonov (-74 kg) va Hasanboy Rahimov (-125 kg) ikki martadan zafar quchib bo'lishdi.

-70 kg:
Saralash: Ixtiyor Navro'zov – Karan Karan (Hindiston) 7:0
1/8 final: Ixtiyor Navro'zov – Ali Umarpashaev (Bolgariya) 7:6

¼ final: Ixtiyor Navro'zov – David Baev (Rossiya)

-74 kg:
Saralash: Bekzod Abdurahmonov – Franklin Gomes (Puerto-Riko) 4:0
1/8 final: Bekzod Abdurahmonov – Eandri Kabalero (Kuba) 10:6

¼ final: Bekzod Abdurahmonov – Hojimurod Gadjiev (Ozarbayjon)

-125 kg:
Saralash: Hasanboy Rahimov – Luis Felipe Urbanexa (Venesuela) 10:0
1/8 final: Hasanboy Rahimov – Daniel Ligeti (Vengriya) 5:0

¼ final: Hasanboy Rahimov – Taxa Akgul (Turkiya) / Aleksandr Romanov (Moldova)

Eslatib o'tamiz, Bekzod Abdurahmonov va Hasanboy Rahimov ishtirok etayotgan vazn Olimpiya o'yinlari dasturiga kiritilgan. Vakillarimiz kamida yarim finalga chiqa olishsa, Tokio Olimpiadasi yo'llanmasini naqd qilib qo'yishadi.