Sulsher: «O'zimizga qiyinchilik yaratib oldik»

"Manchester Yunayted" bosh murabbiyi Ole-Gunnar Sulsher Evropa ligasining 1-turi doirasida bo'lib o'tgan "Astana"ga qarshi o'yin (1:0) borasida o'z fikrlarini bildirib o'tdi.

"O'zimizga qiyinchilik yaratib oldik. Bunday o'yinlarda dastlabki 20 daqiqada ishonch bilan harakat qilib, keyin shunchaki zavqlanishimiz kerak. Ba'zi futbolchilarimizga o'yin amaliyoti kerak. Ular yordamida 3 ochkoni qo'lga kiritganimiz yaxshi bo'ldi.

Yosh futbolchilarimiz bugun yaxshi imkoniyatga ega bo'lishdi. Ular o'yinga tayyor bo'lishmaganida maydonga tushmagan bo'lardilar", - dedi Sulsher.