Ekaterinburg-2019. Yarim finalda eng ko'p ishtirokchi Qozog'iston va O'zbekistondan (+ro'yxat)

Rossiyaning Ekaterinburg shahrida boks bo'yicha jahon chempionatining chorak final janglari yakuniga etdi. Sakkizta vazn toifasida yarim finalga chiqqan 32 bokschining nomi aniq bo'ldi. Xabaringiz bor, ular JChni albatta medal bilan tark etishadi.

Yarim finalga qo'shni Qozog'iston delegatsiyasi eng ko'p bokschi bilan etib keldi — 6 nafar. Musobaqa davomida ularning bor-yo'g'i ikki sportchisi mag'lub bo'ldi. Ulardan biri — Qayrat Eralievni vatandoshimiz Mirazizbek Mirzaxalilov turnirdan chiqarib yubordi.

Yarim finaldagi ishtirokchilari soni bo'yicha ikkinchi pog'ona O'zbekiston delegatsiyasiga tegishli bo'ldi — 5 nafar. Bu borada uchinchi o'rinni Angliya egalladi — 4 bokschi. Darvoqe, ularning 3 nafar o'zbekistonlik atletga qarshi ringga ko'tariladi.

Kutilmaganda, Kuba va Rossiyaning bor-yo'g'i 3 nafardan bokschisi yarim final bosqichiga etib kelishdi. Mo'g'ulistonning ikki sportchisi final yo'llanmasi uchun jang qiladi. To'qqiz mamlakatning bir nafardan bokschisi yarim finalda jang qiladigan bo'lishdi.

Yarim final janglari 20 sentyabr, final janglari esa 21 sentyabr kuni bo'lib o'tadi.

Boks bo'yicha jahon chempionati, yarim final juftliklari

52 kg.
Bilol Bennama (Frantsiya) — Shahobiddin Zoirov (O'zbekiston)
Saken Bibossinov (Qozog'iston) — Amit Pangal (Hindiston)

57 kg.
Lazaro Alvares (Kuba) — Piter MakGreyl (Angliya)
Erdenebatin (Mo'g'uluston) — Mirazizbek Mirzaxalilov (O'zbekiston)

63 kg.
Endi Krus (Kuba) — Mangish Kaushik (Hindiston)
Ogannes Bachkov (Armaniston) — Keyshaun Devis (AQSh)

69 kg.
Andrey Zamkovoy (Rossiya) — Ablayxan Jussupov (Qozog'iston)
Bobo-Usmon Baturov (O'zbekiston) — Pat MakKormak (Angliya)

75 kg.
Gleb Bakshi (Rossiya) — Xebert Konseysao (Braziliya)
Tursunbay Qulahmat (Qozog'iston) — Eumir Marsial (Filippin)

81 kg.
Xulio Sezar La Krus (Kuba) — Bekzod Nurdauletov (Qozog'iston)
Benjamin Uittaker (Angliya) — Dilshodbek Ro'zmetov (O'zbekiston)

91 kg.
Radoslav Pantaleev (Bolgariya) — Muslim Gadjimagometov (Rossiya)
Vasiliy Levit (Qozog'iston) — Xulio Kastilo (Venesuela)

+ 91 kg.
Qamshibek Qo'nqabaev (Qozog'iston) — Jastis Xani (Avstraliya)
Freyzer Klark (Angliya) — Bahodir Jalolov (O'zbekiston)

Bokschilari yarim finalga etib kelgan mamlakatlar haqida:

Qozog'iston — 6 nafar (52, 69, 75, 81, 91, 91+)
O'zbekiston — 5 nafar (52, 57, 69, 81, 91+)
Angliya — 4 nafar (57, 69, 81, 91+)
Kuba — 3 nafar (57, 63, 81)
Rossiya — 3 nafar (69, 75, 91)
Mo'g'uliston — 2 nafar (57, 63)
Hindiston — 1 nafar (52)
Frantsiya — 1 nafar (52)
AQSh — 1 nafar (63)
Armaniston — 1 nafar (63)
Braziliya — 1 nafar (75)
Filippin — 1 nafar (75)
Bolgariya — 1 nafar (91)
Venesuela — 1 nafar (91)
Avstraliya — 1 nafar (91+)